الشاعر جار الله الشدي

قصيده للشاعر(جار الله الشــــــــدي)


بسم الله الرحمن بسمه..ربّي يارب البشر
رب السموات السبع ماغيره اللي معتلي
منْزل تبارك والنصر والغاشيه ويّا الحشر
الوالي اللي نعبده ..ماغيره الوالي ولي
من بعد ذكره مرتجل نصٍ حرامٍ ما نشر
فيه القوافي تصطفق وبحور بالموج تعلي
يعني علي قول المثل وخّر ترا قدْمك بحر
واللي على جال البحر يسمع الى ماهو يلي
شاعر ولي هيبة ملك والعين عيني بالنظر
عيني على حد السما وأقلي من الطنخه قلي
منهو سمع قافي وقف واللي جلس إلْه العذر
ياكم شخصٍ قد سمعته ردد أبياتي علي
أبدع جزيلٍ بالعطا والغيمه لا هلّت مطر
هلّت ودرت وأستوت .. من فيضها شبع الطلي
ويمنى يديني راهيه وإن عاصت أبترها بتر
اللي علي في دنيتي .. سمعه مع مستقبلي
والبنت لامن نوّشت فزاعةٍ دق الخصر
حلت بي سكون البشر .. لا نوّشت ماني خلي
تبشر ويبشر من نعت في ذمتي وبالنذر
إني على حد الخطر .. هذا طريقي .. مدهلي
والمسأله ماهي كذا لنّي أنا بالمختصر
ربعي هل الطاله وأنا بالمدح ذا يحقلي
ربعي مناصير الوفا والمدح در أحلا الدرر
ناتي مثل ليل الشتا وإخصيمنا مستدحلي
زبن الدخيل اللي زبن يومه على حد الخطر
ستر الهنوف اللي فلت مجدولها جدْلْ وفلي
نعمّر اللي ما عمر وندمر اللي ما دمر
وحنا رجالٍ لا وْقفت تاقف وقوف مجمّلي
وبْنا الشجاعه مدميه بعروقنا موتٍ حمر
نارد على حوض المنا واللي بلانا مبتلي
والشدي لامنه حضر كلاً درابه لا حضر
زيزوم .. قايد .. معتلي ..صيرم ..مقدّم.. أولي
إن كانها بالخير خير .. إن كانها بالشر شر
يعني كذا ولا كذا .. ماياتي بالموقف تلي
والشدي لامنه شبر.. يزود شبره لا شبر
لامن وقف في وقفته ماهو يهاب الا العلي
نرقى على روس العلا وسهيل في حده مقر
تاريخنا دوّن على صفحات ذاك المرتلي
وكل القبايل وافيه وفْعولهم ما تنّكر
فيض المدح في مثلهم جا بالمدايح ممتلي
ولْهم معزة شاعر بكل التحايا والقَدَر
ولْهم مكانه حاضره منذُ زمنّا الأولي
وأنا أعتذر مما قصر لومدحي في ربعي قصر
لنْ القصايد ما توفي حق من ربعي علي

[b]
●
●
●صحـ لسانـ منـ قالها ونقلهاا ..
ثااانكيوو اخويهـ ,,
ع القصيدهـ الناااااااااااااااااااااايسـ ,,
●
●
● [/b]